Далучыся да роднага слова
Нечаканым святам для старшакласнікаў Лошніцкай сярэдняй школы стала 2 верасня 2015 года творчая сустрэча са знакамітым беларускім паэтам Леанідам Дранько-Майсюком і намеснікам старшыні Саюза беларускіх пісьменнікаў, галоўным рэдактарам часопіса “Верасень”, паэтам і бардам Эдуардам Акуліным. Гэты творчы тандэм вядомы ў шматлікіх кутках нашай краіны і далёка за яе межамі. Дапаўняючы адзін аднаго, яны нясуць прыхільнікам сваёй творчасці радасць, святло і цеплыню, а маладому пакаленню, тым, хто толькі пачынае знаеміцца з прыгажосцю беларускага паэтычнага слова, прывіваюць любоў да роднай літаратуры, мовы, Радзімы.
Кожны першы тыдзень верасня ў беларускіх школах праходзяць святы, прысвечаныя Дню пісьменства. Вучняў з маленства прывучаюць ганарыцца роднай мовай, адносіцца да яе як да вялікай культурнай спадчыны.
Сустрэчы з беларускімі літаратарамі - адзін з найбольш эфектыўных сродкаў папулярызацыі роднай мовы і іх творчасці.
Нечаканым святам для старшакласнікаў Лошніцкай сярэдняй школы стала 2 верасня 2015 года творчая сустрэча са знакамітым беларускім паэтам Леанідам Дранько-Майсюком і намеснікам старшыні Саюза беларускіх пісьменнікаў, галоўным рэдактарам часопіса “Верасень”, паэтам і бардам Эдуардам Акуліным. Гэты творчы тандэм вядомы ў шматлікіх кутках нашай краіны і далёка за яе межамі. Дапаўняючы адзін аднаго, яны нясуць прыхільнікам сваёй творчасці радасць, святло і цеплыню, а маладому пакаленню, тым, хто толькі пачынае знаеміцца з прыгажосцю беларускага паэтычнага слова, прывіваюць любоў да роднай літаратуры, мовы, Радзімы.
Сказаць, што вучням было цікава на гэтай вечарыне – не сказаць нічога. Паэты адразу авалодалі залай, далучылі ўсіх прысутных да сваіх выступленняў. Леанід Дранько-Майсюк - вядомы паэт-песеннік. Гэта на яго вершы складзены папулярныя песні “Полька беларуская”, “Восень у Вярсалі”, “Паэты любыя” і іншыя. Нядзіўна, што сваёй мілагучнай беларускай мовай, шчырасцю, гумарам, ён проста зачараваў слухачоў і вучні ўслух чыталі вершы разам з аўтарам.
Эдуард Акулін - паэт, перакладчык, бард. Галоўная тэма яго паэзіі – гэта тэма кахання, абагаўленне Жанчыны. Яго асабісты лес - гэта дастойны прыклад для моладзі: пакахаўшы яшчэ ў юнацтве, ён пранёс сваё пачуцце да любай жонкі праз усё жыццё. Усе песні паэт выконваў пад акампанемент гітары, а прыпевы песень дружна падхоплівалі ўсе ўдзельнікі сустрэчы. Песня, прысвечаная Янку Купалу, асабліва кранула залу сваей меладычнасцю і паэтычнай глыбінёй.
На сустрэчы былі прэзентаваны зборнікі паэзіі аўтараў, апошнія нумары часопіса “Верасень”. Школьная бібліятэка папоўніла свой фонд паэтычным зборнікам “Малітва воч” і CD-дыскам “Не магу жыць без крыл…” Эдуарда Акуліна з запісам яго песень.
Ну, а напрыканцы сустрэчы – кветкі для паэтаў, аўтографы – для слухачоў, сумеснае фота на памяць.
Бібліятэкар І. М. Бурканава
Бі І.
